နိုင်ငံတော်ဖွဲ့စည်းအုပ်ချုပ် တည်ဆောက်ပုံများသည် တစ်နိုင်ငံနှင့် တစ်နိုင်ငံ မတူညီကြပါ။ ထိုမတူညီမှုများ ထဲမှ တရုတ်ပြည် ကို အုပ်ချုပ်ထားပုံ နည်းစနစ်များကို သိရှိစေရန် ဦးစွာ ဖေါ်ပြပေးထားပါသည်။ အကြောင်းအရာ အပိုင်းအခြားများကို အလျင်းသင့်သလို့ ဆက်လက် ရေးသားပေးသွားပါမည်။
တရုတ်ပြည်ကွန်မြူနစ်ပါတီသည် လွန်ခဲ့သော ၁၉၄၉-ခုနှစ်မှ စတင်၍ တိုင်းပြည်တွင် မည်သည့်ဆန့်ကျင်ဘက် အဖွဲ့အစည်းများကိုမျှု ခွင့်ပြုတည်ထောင်ခွင့်မပေး၊ ရံဖန်ရံခါ ရက်စက်ပြင်းထန်သော နှိမ်နင်းမှုများဖြင့် အုပ်ချုပ်ခဲ့ပါသည်။
တရုတ်ပြည်၏ အဓိက အကျဆုံးသော ဆုံးဖြတ်ချက်များကို ပေါလစ်ဗျုရိုမှ ချမှတ်ပါသည်။ ပြည်နယ်များ၊ အလုပ်ခွင်များ၏ ထိပ်ဆုံးတွင် ပေါလစ်ဗျုရိုက အဆုံးစွန်သော အချုပ်အချာ အာဏာဖြင့် အုပ်ချုပ်ထားသည်။
၎င်းတို့၏ ပါတီအတွင်း တွင် မှားသည့်အရာကို ပြောမိရုံနှင့် ရာသက်ပန်အကျဉ်းကျခံရတတ်ခြင်း၊ သို့တည်းမဟုတ် ပိုမိုဆိုးဝါးသော အပြစ်ဒဏ်ကို ခံရတတ်ပါသည်။ ထိုကဲ့သို့သော အခြေအနေရှိသည့် ပါတီအတွင်းတွင် အဖွဲ့ဝင်များသည် ၎င်းတို့အား ထောက်ခံသူများ၊ မိမိ၏ စွမ်းဆောင်ရည်များ၊ နိုင်ငံရေး လိမ္မာပါးနပ်မှုများဖြင့် ၎င်းတို့ပါတီ ထိပ်ဆုံးသို့ ရောက်ရှိနေစေရန် လုပ်ဆောင်ကြပါသည်။ ဤနည်းဖြင့် ပါတီအဖွဲ့ဝင်များအား ယှဉ်ပြိုင် တိုက်ခိုက်မှု ရွေးချယ်မှုများ ကိုဖယ်ရှားခဲ့ကြသည်။
ပေါလစ်ဗျုရိုတွင် တရားဝင် ဖွဲ့စည်းတည်ဆောက်ထားပုံအရ အဖွဲ့ဝင်များ၏ အာဏာသည် ၎င်းတို့၏ ရာထူးအလိုက် အထက်မှ အောက်ခြေအထိ ခွဲဖြာ ခြားနားကြပါသည်။ သို့ရာတွင် ပိုမို၍ အာဏာ ရာထူးနေရာရှိသော လူနှင့် ခင်မင်ရင်းနှီး အကျွမ်းဝင်မှုသည် သာမန်ရာထူး နေရာရှိခြင်းထက် အာဏာသည် ပိုမို ထိရောက်လေ့ရှိသည်။ ခေါင်းဆောင်တစ်ယောက်သည် အာဏာကို ၎င်းအပေါ်တွင် နှစ်ပေါင်းများစွာ သစ္စာရှိသော လူများဖြင့် တည်ဆောက်ထားပါသည်။
ဤနည်းအားဖြင့် တိန့်ရှောင်ဖိန်သည် တိုင်းပြည်၏ ရာထူး နေရာများမှ အနားယူသွားခဲ့သော်လည်း အချိန်ကြာမြင့်စွာ သူသည် တိုင်းပြည်၏ အဆုံးစွန်း အချုပ်အချာ ခေါင်းဆောင်တစ်ယောက်အဖြစ် ဆက်လက် တည်မြဲခဲ့ပါသည်။ ထိုကဲ့သို့ဖြင့် ပါတီ၏ အဖွဲ့ဝင်များသည် အသက်ကြီးရင့်လာသော်လည်း အဓိကဆုံးဖြတ်ချက်များ ချရာ အခန်းကဏ္ဍတွင် ပါဝင် စွတ်ဖက်လေ့ရှိကြသည်။
ပေါလစ်ဗျုရီုသည် တိုင်းပြည်၏ အဓိက အရေးပါ အရာရောက်ဆုံး ကဏ္ဍကြီး သုံးခုကို ချုပ်ကိုင်ထားကာ အမြဲတမ်း ချုပ်ကိုင်ထားနိုင်မည့် လမ်းကြောင်းပေါ်တွင် ပါတီအား တည်ရှိစေပါသည်။
ထိုကဏ္ဍကြီး သုံးခုမှာ ၁။ စစ်အင်အားကို ချုပ်ထိန်းထားသော စစ်ရေးစစ်ရာ ကော်မစ်ရှင်အဖွဲ့ ၂။ ပြည်သူ့လွှတ်တော် ပါလီမန် ၃။ အစိုးရ၏ စီမံခန့်ခွဲမှု အင်အားကို ကိုယ်စားပြုသော ပြည်နယ် အုပ်ချုပ်ရေး ဋ္ဌာန တို့ ဖြစ်ကြသည်။
ကွန်မြူနစ်ပါတီ
တရုတ်ပြည် ကွန်မြူနစ်ပါတီ သည် အဖွဲ့ဝင်ပေါင်း ၇၃-သန်း ဖြင့် ဖွဲ့စည်းထားကာ ကမ္ဘာပေါ်တွင် အကြီးမားဆုံးသော နိူင်ငံရေးပါတီ တစ်ခုဖြစ်ပါသည်။ ၎င်း၏ တင်းကျပ်သော အစည်းအရုံးနှင့် အညှာအတာကင်းမဲ့ မှုတို့က ပါတီအား အမြဲတမ်း အာဏာရရှိစေ၏။
ပါတီသည် လူပေါင်းမြောက်မြားစွာတို့၏ လူနေမှု ပုံစံ အမျိုးမျိုး၊ ကျောင်းတွင် ပညာသင်ယူပုံ၊ ရုပ်မြင်သံကြား ကြည့်ရှု့ခြင်းမှ အစ ပြည်သူတို့၏ အလုပ်ခွင်၊ အိမ်ယာတည်ဆောက်မှု၊ ထိုမှတဆင့် မိသားစုများတွင် ခွင့်ပြုထားသော သားသမီး အရေအတွက်သာရှိရေး စီမံကိန်း အစရှိသဖြင့် ထိန်းချုပ် လွမ်းမိုးထားသည်။
တရုတ်ပြည်ကွန်မြူနစ်ပါတီသည် အစိုးရ အရာရှိများ၊ စစ်တပ် အရာရှိများ၊ စံပြအလုပ်သမား လူတန်းစားများ ဖြင့် ဖွဲ့စည်းသော အကောင်းစား အဖွဲ့အစည်း အုပ်စုတစ်ခုဖြစ်ပါသည်။ ယခုအခါတွင် စီးပွားရေး လုပ်ငန်းရှင် လူတန်းစားကို လည်း ရာထူးအလိုက် ပါတီအတွင်းသို့ ဖိတ်ခေါ်လျက်ရှိပါသည်။
ပါတီသည် တရုတ်ပြည်ကြီးတစ်ခုလုံး အတွက် တိုင်းပြည်ကို ကိုယ်စားပြုသော ပါတီတစ်ခုဟု ပြော၍ မရပါ။ အဘယ်ကြောင့် ဆိုသော် ပါတီအဖွဲ့ ဝင် အမျိုးသမီးအရေအတွက်သည် ၂၀ ရာခိုင်နှုန်း သာရှိသည်။ ထို့အပြင် ၇၇ ရာခိုင်နှုန်းသည် အသက် ၃၅-နှစ် အထက်များ သာ ဖြစ်၍၊ ၃၁ ရာခိုင်နှုန်းလောက်သည် ကောလိပ် ကျောင်းဆင်း ပညာတတ်များသာဖြစ်သည်။ ပါတီအနေဖြင့် အာဏာ ကို ရစ်မူးနေကာ၊ ၎င်းတို့၏ အခွင့် အာဏာ အချုပ်အချာကို ထိပါးလားမည့် သူများကို ဖိနှိပ်ချုပ်ချယ် နှိမ်နှင်းခြင်းဖြင့် ၎င်းတို့၏ စွမ်းဆောင် မှုများကို ခြိမ်းခြောက် ပြသကြပါသည်။
ပါတီနှင့် ဆက်သွယ်ကာ ပါတီအဖွဲ့ဝင် ဖြစ်ခြင်းသည် ထူးကဲ့သော အခွင့်ထူး အခွင့်လမ်းများကို ခံစားရရှိစေပါသည်။ ဤနည်းဖြင့် ပါတီ အဖွဲ့ ဝင်အရေအတွက်သည် တိုးပွားလျက်ရှိနေပါသည်။ ပါတီအဖွဲ့ဝင်များ အတွက် ပိုမိုကောင်းမွန်သော သတင်းအချက်အလက်များကို ရရှိခြင်း၊ သားသမီးများအတွက် ပိုမိုကောင်းမွန်းသော ပညာရေးရရှိခြင်း၊ အလုပ်အကိုင် အခွင့် အလန်းများ ပေါများခြင်းတို့ ရရှိစေပါသည်။
တရုတ်ပြည်၏ ထူးခြားသော အခြေအနေတစ်ခုမှာ မိမိ၏ အထက်အရာရှိနှင့်သိကျွမ်းပတ်သက်၍ ဆက်ဆံရေး အဆင်ပြေခြင်းသည် မိမိ လုပ်ဆောင်နိုင်သော အရည်းအချင်းထက် ပိုမို၍ အရေးကြီးပါသည်။ အထက်အရာရှိကြီး၏ ဆုံးဖြတ်ချက်များသည် ပါတီအဖွဲ့ဝင်များ၏ စီပွားရေး၊ လူမှုရေး၊ အလုပ်အကိုင်း အသီးသီတို့အပေါ်တွင် လွှမ်းမိုး ချုပ်ကိုင်ထားလေ့ရှိသည်။
ပိရမစ်ကဲ့သို ဖွဲ့စည်းတည်ဆောက်ထားပုံ
ပါတီတွင် အဖွဲ့ဝင် တစ်ယောက် ဖြစ်ဖို့ရန် လျှောက်ထားသူတစ်ယောက်သည် လက်ရှိအဖွဲ့ဝင်၏ ထောက်ခံပေးမှု၊ ဒေသစိတ် အစည်းအရုံးမှ ဆင့်ကဲဆင့်ကဲ့ စုံစမ်းစစ်ဆေး မေးမြန်းမှုများ မြောက်မြားစွာသော လုပ်ဆောင်ချက်များကို အောင်မြင်ဖို့လိုအပ်ပါသည်။ အဖွဲ့ဝင်အဖြစ် လက်ခံလိုက်ပြီနှင့် တစ်နှစ်တိတိ စောင့်ကြည့် အကဲဖြတ်ခြင်း ခံရကာ ထပ်မံ၍ လိုအပ်သော လေ့ကျင့်မှုများကို လုပ်ဆောင်ကြရပါသည်။
ပါတီသည် တိုင်းပြည်အဝှမ်း သန်းနှင့်ချီရှိနေသော ဒေသစိတ် အစည်းအရုံးလေးများကို အခြေခံကာ ၎င်းတို့ အထက်ကြီးမားသော ရာထူး အာဏာရှိသူ။ ထိုမှတဆင့်ပိုမိုကြီးမားသော အာဏာရှိသူက အဆင့်ဆင့်အုပ်ချုပ်ကာ နောက်ဆုံး အမြင့်မားဆုံး အချုပ်အချာ အာဏာကို ပေကျင်း တွင်ရှိသော အဖွဲ့အစည်းမှ ချုပ်ကိုင်ထားပါသည်။
အယူအဆ သဘောအရ အမြင့်မားဆုံး အချုပ်အချာ အာဏာသည် ပြည့်သူ့လွှတ်တော် ဖြစ်သည်။ ပြည်သူ့လွှတ်တော် ကို ၅-နှစ်တစ်ကြိမ် နိုင်ငံတဝှမ်း ပါတီအဖွဲ့အစည်းများမှ ကိုယ်စားလှယ် ၂၀၀၀ ကျော်ခန့် ပါဝင် ပေါင်းစည်းကာ ကျင်းပကြရပါသည်။
လွှတ်တော်၏ အဓိက တာဝန်သည် အများသဘောတူညီချက်ဖြင့် ဗဟိုအမှုဆောင် အဖွဲ့ဝင်အရေအတွက် ၂၀၀၊ အလုပ်အမှုဆောင် အဖွဲ့ဝင် အရေအတွက် ၁၅၀ တို့ကို ရွေးကောက်တင်မြှောက်ရန် ဖြစ်သော်ငြားလည်း ထိုရွေးချယ်ခံရမည့် ပုဂ္ဂိုလ်များသည် ကြိုတင်၍ ရွေးချယ်ပြီး ဖြစ်နေလေ့ရှိသည်။
ထိုမှတဆင့် ဗဟိုအမှုဆောင် အဖွဲ့ဝင်များ၏ အဓိက အလုပ်တာဝန်သည် ပေါလစ်ဗျုရို အသစ်ရွေးချယ် ရန်နှင့် ၎င်း၏ သေးငယ်သော အမှုဆောင် အဖွဲ့အစည်းတို့ကို ရွေးချယ်ရန်ဖြစ်ပါသည်။
ပေါလစ်ဗျုရိုနှင့် ၎င်း၏ အမှုဆောင်တို့တွင်သာ ဆုံးဖြတ်ပိုင်ခွင့် အာဏာများ တည်ရှိကြသည်။
ဆက်လက်ဖေါ်ပြရန်..
No comments:
Post a Comment